ishq shabnam nahin sharara hai
ishq shabnam nahīñ sharārā hai
raaz ye mujh pe āshkārā hai
ik karam kī nigāh kar diije
umr-bhar kā sitam gavārā hai
raqs meñ haiñ jo sāġhar-o-mīnā
kis kī nazroñ kā ye ishārā hai
aisī manzil pe aa gayā huuñ dost
tire ġham kā faqat sahārā hai
lauT aa.e haiñ yaar ke dar se
vaqt ne jab hameñ pukārā hai
dil na TuuTe to zarra-e-nāchīz
kīmiyā hai jo paarā paarā hai
jām-e-rañgīñ meñ un kā aks-e-jamāl
yā shafaq meñ koī sitārā hai
naav Takrā chukī hai tūfāñ se
apnā murshid hī ab sahārā hai
ishq karnā hai maat khā jaanā
us meñ jiitā huā bhī haarā hai
apne 'darshan' pe ik nigāh-e-karam
ki ġham-e-zindagī kā maarā hai
ishq shabnam nahin sharara hai
raaz ye mujh pe aashkara hai
ek karam ki nigah kar dije
umr-bhar ka sitam gawara hai
raqs mein hain jo saghar-o-mina
kis ki nazron ka ye ishaara hai
aisi manzil pe aa gaya hun dost
tere gham ka faqat sahaara hai
lauT aae hain yar ke dar se
waqt ne jab hamein pukara hai
dil na TuTe to zarra-e-nachiz
kimiya hai jo para para hai
jam-e-rangin mein un ka aks-e-jamal
ya shafaq mein koi sitara hai
naw Takra chuki hai tufan se
apna murshid hi ab sahaara hai
ishq karna hai mat kha jaana
us mein jita hua bhi haara hai
apne 'darshan' pe ek nigah-e-karam
ki gham-e-zindagi ka mara hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
