ishq yak-tarfa tha ye man liya hai maine

ishq yak-tarfa thā ye maan liyā hai maiñ ne

kaun kyā hai yahī ab jaan liyā hai maiñ ne

log phir rañg koī aur use deñ shāyad

is liye rāsta sunsān liyā hai maiñ ne

ishq ke badle meñ rusvā.ī milī hai ya.anī

naf.e ke naam pe nuqsān liyā hai maiñ ne

vo mujhe yaad kareñge are nā-mumkin hai

ki ravayye se hī pahchān liyā hai maiñ ne

kis tarīqe se karūñ ḳhud-kushī is soch meñ huuñ

hijr ke rog se sāmān liyā hai maiñ ne

is jahāñ meñ na koī shaḳhs kisī kā rahtā

ye sabaq bhī are nādān liyā hai maiñ ne

apne har fe.al meñ goyā hai darinda 'kāshif'

bas ma.ānī meñ hī insān liyā hai maiñ ne

ishq yak-tarfa tha ye man liya hai main ne

kaun kya hai yahi ab jaan liya hai main ne

log phir rang koi aur use den shayad

is liye rasta sunsan liya hai main ne

ishq ke badle mein ruswai mili hai yani

nafe ke nam pe nuqsan liya hai main ne

wo mujhe yaad karenge are na-mumkin hai

ki rawayye se hi pahchan liya hai main ne

kis tariqe se karun KHud-kushi is soch mein hun

hijr ke rog se saman liya hai main ne

is jahan mein na koi shaKHs kisi ka rahta

ye sabaq bhi are nadan liya hai main ne

apne har feal mein goya hai darinda 'kashif'

bas maani mein hi insan liya hai main ne