isi mein KHush hun mera dukh koi to sahta hai
isī meñ ḳhush huuñ mirā dukh koī to sahtā hai
chalī chalūñgī jahāñ tak ye saath rahtā hai
zamīn-e-dil yūñhī shādāb to nahīñ ai dost
qarīb meñ koī dariyā zarūr bahtā hai
ghane daraḳhtoñ ke girne pe mā-sivā-e-havā
azāb-e-dar-badrī aur kaun sahtā hai
na jaane kaun sā fiqra kahāñ raqam ho jaa.e
diloñ kā haal bhī ab kaun kis se kahtā hai
maqām-e-dil kahīñ ābādiyoñ se hai bāhar
aur is makān meñ jaise ki koī rahtā hai
mire badan ko namī khā ga.ī hai ashkoñ kī
bharī bahār meñ kaisā makān Dhahtā hai
isi mein KHush hun mera dukh koi to sahta hai
chali chalungi jahan tak ye sath rahta hai
zamin-e-dil yunhi shadab to nahin ai dost
qarib mein koi dariya zarur bahta hai
ghane daraKHton ke girne pe ma-siwa-e-hawa
azab-e-dar-badri aur kaun sahta hai
na jaane kaun sa fiqra kahan raqam ho jae
dilon ka haal bhi ab kaun kis se kahta hai
maqam-e-dil kahin aabaadiyon se hai bahar
aur is makan mein jaise ki koi rahta hai
mere badan ko nami kha gai hai ashkon ki
bhari bahaar mein kaisa makan Dhahta hai
- Book : kulliyaat-e-maahe tamaam(Inkaar) (Pg. 69)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
