itna na apne jame se bahar nikal ke chal

Bahadur Shah Zafar

itna na apne jame se bahar nikal ke chal

Bahadur Shah Zafar

MORE BY Bahadur Shah Zafar

    itnā na apne jaame se bāhar nikal ke chal

    duniyā hai chal-chalāv rasta sambhal ke chal

    kam-zarf pur-ġhurūr zarā apnā zarf dekh

    mānind josh-e-ġham na ziyāda ubal ke chal

    fursat hai ik sadā yahāñ soz-e-dil ke saath

    us par sapand-vār na itnā uchhal ke chal

    ye ġhol-vash haiñ in ko samajh na rahnumā

    saa.e se bach ke ahl-e-fareb-o-daġhal ke chal

    auroñ ke bal pe bal na kar itnā na chal nikal

    bal hai to bal ke bal pe kuchh apne bal ke chal

    insāñ ko kal putlā banāyā hai us ne aap

    aur aap vo kahtā hai putle ko kal ke chal

    phir āñkheñ bhī to diiñ haiñ ki rakh dekh kar qadam

    kahtā hai kaun tujh ko na chal chal sambhal ke chal

    hai turfa amn-gāh nihāñ-ḳhāna-e-adam

    āñkhoñ ke rū-ba-rū se logoñ ke Tal ke chal

    kyā chal sakegā ham se ki pahchānte haiñ ham

    laakh apnī chaal ko zālim badal ke chal

    hai sham.a sar ke bal jo mohabbat meñ garm ho

    parvāna apne dil se ye kahtā hai jal ke chal

    bulbul ke hosh nik.hat-e-gul tarah uḌā

    gulshan meñ mere saath zarā itr mal ke chal

    gar qasd sū-e-dil hai tirā ai nigāh-e-yār

    do-chār tiir paik se aage ajal ke chal

    jo imtihān-e-tab.a kare apnā ai 'zafar'

    to kah do us ko taur pe is ġhazal ke chal

    itna na apne jame se bahar nikal ke chal

    duniya hai chal-chalaw ka rasta sambhal ke chal

    kam-zarf pur-ghurur zara apna zarf dekh

    manind josh-e-gham na ziyaada ubal ke chal

    fursat hai ek sada ki yahan soz-e-dil ke sath

    us par sapand-war na itna uchhal ke chal

    ye ghol-wash hain in ko samajh tu na rahnuma

    sae se bach ke ahl-e-fareb-o-daghal ke chal

    auron ke bal pe bal na kar itna na chal nikal

    bal hai to bal ke bal pe tu kuchh apne bal ke chal

    insan ko kal ka putla banaya hai us ne aap

    aur aap hi wo kahta hai putle ko kal ke chal

    phir aankhen bhi to din hain ki rakh dekh kar qadam

    kahta hai kaun tujh ko na chal chal sambhal ke chal

    hai turfa amn-gah nihan-KHana-e-adam

    aankhon ke ru-ba-ru se tu logon ke Tal ke chal

    kya chal sakega hum se ki pahchante hain hum

    tu lakh apni chaal ko zalim badal ke chal

    hai shama sar ke bal jo mohabbat mein garm ho

    parwana apne dil se ye kahta hai jal ke chal

    bulbul ke hosh nikhat-e-gul ki tarah uDa

    gulshan mein mere sath zara itr mal ke chal

    gar qasd su-e-dil hai tera ai nigah-e-yar

    do-chaar tir paik se aage ajal ke chal

    jo imtihan-e-taba kare apna ai 'zafar'

    to kah do us ko taur pe tu is ghazal ke chal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY