iztirab-e-KHak-e-amjad mein kahin rahta hai wo
iztirab-e-KHak-e-amjad mein kahin rahta hai wo
Mohammad Ajmal Niyazi
MORE BYMohammad Ajmal Niyazi
iztirāb-e-ḳhāk-e-amjad meñ kahīñ rahtā hai vo
kā.enāt-e-rūh-e-ahmad meñ kahīñ rahtā hai vo
dā.era-dar-dā.era sadiyāñ bulātī haiñ use
sachchī āvāzoñ ke gumbad meñ kahīñ rahtā hai vo
DhūñDne nikle haiñ jis ko ilm ke sahrā meñ ham
dard-o-ġham kī rāh-e-abjad meñ kahīñ rahtā hai vo
yaad aatā hai musībat maiñ duāoñ kī tarah
shahr ke vīrān ma.abad meñ kahīñ rahtā hai vo
muntazir hai zarre zarre kī nigāhoñ meñ lahū
surḳh-rū hone kī sarhad meñ kahīñ rahtā hai vo
munkashif hotī huī hairat meñ us ko dekhiye
ik nigāh-e-ḳhvāb kī zad meñ kahīñ rahtā hai vo
ik irāde kī tarah 'ajmal' diloñ ke darmiyāñ
arz-e-jāñ kī āḳhirī had meñ kahīñ rahtā hai vo
iztirab-e-KHak-e-amjad mein kahin rahta hai wo
kaenat-e-ruh-e-ahmad mein kahin rahta hai wo
daera-dar-daera sadiyan bulati hain use
sachchi aawazon ke gumbad mein kahin rahta hai wo
DhunDne nikle hain jis ko ilm ke sahra mein hum
dard-o-gham ki rah-e-abjad mein kahin rahta hai wo
yaad aata hai musibat main duaon ki tarah
shahr ke viran mabad mein kahin rahta hai wo
muntazir hai zarre zarre ki nigahon mein lahu
surKH-ru hone ki sarhad mein kahin rahta hai wo
munkashif hoti hui hairat mein us ko dekhiye
ek nigah-e-KHwab ki zad mein kahin rahta hai wo
ek irade ki tarah 'ajmal' dilon ke darmiyan
arz-e-jaan ki aaKHiri had mein kahin rahta hai wo
- Book : Urdu Adab (Pg. 61)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
