ja chuka tufan lekin kapkapi hai

jā chukā tūfān lekin kapkapī hai

vaqt kī dīvār ab tak hil rahī hai

ham ne pahchānā bahut logoñ ko lekin

ek ik sūrat abhī tak ajnabī hai

ab kirā.e ke makāñ meñ ghuT rahā huuñ

baap daadā kī havelī bik chukī hai

roz kahte ho magar kahte nahīñ ho

vo kahānī jo abhī tak an-kahī hai

kaise guzrā paḌh ke andāza lagā lo

vaqt kī tafsīr chehre par likhī hai

andar andar maiñ bikhartā jā rahā huuñ

koī shai rah rah ke mujh meñ TūTtī hai

ghaas ug aa.ī dar-o-dīvār-e-dil par

ḳhāna-vīrānī kā manzar dīdanī hai

ja chuka tufan lekin kapkapi hai

waqt ki diwar ab tak hil rahi hai

hum ne pahchana bahut logon ko lekin

ek ek surat abhi tak ajnabi hai

ab kirae ke makan mein ghuT raha hun

bap dada ki haweli bik chuki hai

roz kahte ho magar kahte nahin ho

wo kahani jo abhi tak an-kahi hai

kaise guzra paDh ke andaza laga lo

waqt ki tafsir chehre par likhi hai

andar andar main bikharta ja raha hun

koi shai rah rah ke mujh mein TuTti hai

ghas ug aai dar-o-diwar-e-dil par

KHana-virani ka manzar didani hai