jaen kahan hum aap ka arman liye hue

jaa.eñ kahāñ ham aap kā armāñ liye hue

dard-e-firāq-o-kāvish-e-hijrāñ liye hue

in āñsuoñ kī tum ko haqīqat batā.eñ kyā

āñkheñ haiñ merī shaukat-e-tūfāñ liye hue

ranj-e-firāq bhī hai nashāt-e-visāl bhī

huuñ saath saath dard ke darmāñ liye hue

āsāñ nahīñ visāl to dushvār bhī nahīñ

mushkil meñ huuñ ye mushkil-e-āsāñ liye hue

rahmat ne luuT luuT liyā mujh ko hashr meñ

pahuñchā jo maiñ bizā.at-e-isyāñ liye hue

yā-rab ho ḳhair āmad-e-fasl bahār kī

dast-e-junūñ hai chāk-e-garebāñ liye hue

'najmī' hamārī chashm-e-basīrat ke vāste

hai gul kī pankhuḌī bhī gulistāñ liye hue

jaen kahan hum aap ka arman liye hue

dard-e-firaq-o-kawish-e-hijran liye hue

in aansuon ki tum ko haqiqat bataen kya

aankhen hain meri shaukat-e-tufan liye hue

ranj-e-firaq bhi hai nashat-e-visal bhi

hun sath sath dard ke darman liye hue

aasan nahin visal to dushwar bhi nahin

mushkil mein hun ye mushkil-e-asan liye hue

rahmat ne luT luT liya mujh ko hashr mein

pahuncha jo main bizaat-e-isyan liye hue

ya-rab ho KHair aamad-e-fasl bahaar ki

dast-e-junun hai chaak-e-gareban liye hue

'najmi' hamari chashm-e-basirat ke waste

hai gul ki pankhuDi bhi gulistan liye hue