jagne walo ta-ba-sahar KHamosh raho
jāgne vaalo tā-ba-sahar ḳhāmosh raho
kal kyā hogā kis ko ḳhabar ḳhāmosh raho
kis ne sahar ke paañv meñ zanjīreñ Dālīñ
ho jā.egī raat basar ḳhāmosh raho
shāyad chup rahne meñ izzat rah jaa.e
chup hī bhalī ai ahl-e-nazar ḳhāmosh raho
qadam qadam par pahre haiñ in rāhoñ meñ
dār-o-rasan kā hai ye nagar ḳhāmosh raho
yuuñ bhī kahāñ be-tābi-e-dil kam hotī hai
yuuñ bhī kahāñ ārām magar ḳhāmosh raho
sher kī bāteñ ḳhatm huiiñ is aalam meñ
kaisā 'josh' aur kis kā 'jigar' ḳhāmosh raho
jagne walo ta-ba-sahar KHamosh raho
kal kya hoga kis ko KHabar KHamosh raho
kis ne sahar ke panw mein zanjiren Dalin
ho jaegi raat basar KHamosh raho
shayad chup rahne mein izzat rah jae
chup hi bhali ai ahl-e-nazar KHamosh raho
qadam qadam par pahre hain in rahon mein
dar-o-rasan ka hai ye nagar KHamosh raho
yun bhi kahan be-tabi-e-dil kam hoti hai
yun bhi kahan aaram magar KHamosh raho
sher ki baaten KHatm huin is aalam mein
kaisa 'josh' aur kis ka 'jigar' KHamosh raho
- Book : kulliyat-e-habib jaalib (Pg. 77)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
