jagte hi nazar aKHbar mein kho jati hai
jāgte hī nazar aḳhbār meñ kho jaatī hai
zindagī dard ke ambār meñ kho jaatī hai
nā-ḳhudā aql ke patvār uThātā hai ki jab
kashti-e-dil mirī mañjdhār meñ kho jaatī hai
be-sabab sochne vaale kabhī sochā tū ne
āgahī kasrat-e-afkār meñ kho jaatī hai
uḌte rahte haiñ ḳhayālāt ke jugnū phir bhī
baat kyuuñ parda-e-iz.hār meñ kho jaatī hai
us ke kāmoñ kā hai rañgīn ḳhushāmad pe madār
aur mehnat mirī īsār meñ kho jaatī hai
hurmat-e-parda zarūrī hai 'atā-jī' varna
chiiz jaisī bhī ho bāzār meñ kho jaatī hai
jagte hi nazar aKHbar mein kho jati hai
zindagi dard ke ambar mein kho jati hai
na-KHuda aql ke patwar uThata hai ki jab
kashti-e-dil meri manjdhaar mein kho jati hai
be-sabab sochne wale kabhi socha tu ne
aagahi kasrat-e-afkar mein kho jati hai
uDte rahte hain KHayalat ke jugnu phir bhi
baat kyun parda-e-izhaar mein kho jati hai
us ke kaamon ka hai rangin KHushamad pe madar
aur mehnat meri isar mein kho jati hai
hurmat-e-parda zaruri hai 'ata-ji' warna
chiz jaisi bhi ho bazar mein kho jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
