jam-e-ishrat piya kare koi
jām-e-ishrat piyā kare koī
zahr pī kar rahā kare koī
āsmāñ sar pe phaT paḌe to bhī
lab-e-shikva na vā kare koī
mere afsurda-dil kī chaukhaT par
sham.a-e-taskīñ jalā kare koī
vo to har ġham-zada kī suntā hai
kaash dil se duā kare koī
qarz-e-maulā chukāne se pahle
haq-e-banda adā kare koī
tā-qayāmat jahān-e-fānī meñ
rah ke 'maqsūd' kyā kare koī
jam-e-ishrat piya kare koi
zahr pi kar raha kare koi
aasman sar pe phaT paDe to bhi
lab-e-shikwa na wa kare koi
mere afsurda-dil ki chaukhaT par
shama-e-taskin jala kare koi
wo to har gham-zada ki sunta hai
kash dil se dua kare koi
qarz-e-maula chukane se pahle
haq-e-banda ada kare koi
ta-qayamat jahan-e-fani mein
rah ke 'maqsud' kya kare koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
