jaan dete hi bani ishq ke diwane se
jaan dete hī banī ishq ke dīvāne se
sham.a kā haal na dekhā gayā parvāne se
ātish-e-ishq se jal jal ga.e parvāne se
pahle ye aag lagī kaaba o but-ḳhāne se
sāqiyā girya-e-ġham se mujhe majbūr samajh
ḳhuun ristā hai ye TuuTe hue paimāne se
raat kī raat chaman meñ hai numūd-e-shabnam
sub.h hote hī bikhar jā.eñge sab daane se
dam-e-āḳhir tirī āñkhoñ kī balā.eñ le luuñ
aur dam bhar jo na chhalke mire paimāne se
haa.e kyā chiiz thiiñ vo mast nigāheñ 'shā.ir'
jhūmtā-jhāmtā niklā huuñ parī-ḳhāne se
jaan dete hi bani ishq ke diwane se
shama ka haal na dekha gaya parwane se
aatish-e-ishq se jal jal gae parwane se
pahle ye aag lagi kaba o but-KHane se
saqiya girya-e-gham se mujhe majbur samajh
KHun rista hai ye TuTe hue paimane se
raat ki raat chaman mein hai numud-e-shabnam
subh hote hi bikhar jaenge sab dane se
dam-e-aKHir teri aankhon ki balaen le lun
aur dam bhar jo na chhalke mere paimane se
hae kya chiz thin wo mast nigahen 'shair'
jhumta-jhamta nikla hun pari-KHane se
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
