jaan di jis ke liye usko KHabar koi nahin

jaan dī jis ke liye us ko ḳhabar koī nahīñ

ab khulā mujh par ki mar miTnā hunar koī nahīñ

aa hī pahuñchī ik darīche se shuā-e-āftāb

maiñ ye samjhā thā shab-e-ġham kī sahar koī nahīñ

aaj kis kī jaan se kheloge ai chāragaro

aaj pahlū meñ mire zaḳhm-e-jigar koī nahīñ

zāviya-hā-e-nazar meñ aah itnā iḳhtilāf

go tirī tahrīr meñ zer-o-zabar koī nahīñ

sañg-rezoñ se huā jaatā hai dāman taar taar

jāma-e-tahrīr meñ mere guhar koī nahīñ

baj uThī 'sābir' havā ke zor se zanjīr-e-dar

maiñ ye samjhā thā koī aayā magar koī nahīñ

jaan di jis ke liye us ko KHabar koi nahin

ab khula mujh par ki mar miTna hunar koi nahin

aa hi pahunchi ek dariche se shua-e-aftab

main ye samjha tha shab-e-gham ki sahar koi nahin

aaj kis ki jaan se kheloge ai chaaragaro

aaj pahlu mein mere zaKHm-e-jigar koi nahin

zawiya-ha-e-nazar mein aah itna iKHtilaf

go teri tahrir mein zer-o-zabar koi nahin

sang-rezon se hua jata hai daman tar tar

jama-e-tahrir mein mere guhar koi nahin

baj uThi 'sabir' hawa ke zor se zanjir-e-dar

main ye samjha tha koi aaya magar koi nahin