jaan ek but pe fida karte ho kya karte ho

jaan ik but pe fidā karte ho kyā karte ho

phir bhī ummīd-e-vafā karte ho kyā karte ho

ham se paimān-e-vafā karte ho kyā karte ho

tark dastūr-e-vafā karte ho kyā karte ho

va.ada karte ho vafā karte ho kyā karte ho

jurm-e-qānūn-e-jafā karte ho kyā karte ho

kar ke kaunain ko zanjīrī-e-gesū-e-darāz

zulf-e-pechāñ ko dutā karte ho kyā karte ho

ḳhaak meñ ham ko milāyā to bahut ḳhuub kiyā

ab pashemān huā karte ho kyā karte ho

ham ko ḳhud kar ke giraftār-e-balā hazrat-e-dil

ab ye kahte ho burā karte ho kyā karte ho

ghar jo zindāñ hai to vīrāna banā detā thā

dar-o-dīvār takā karte ho kyā karte ho

ḳhūn-e-dil ashkoñ se bolā ye umañD kar kal raat

aap hī aap bahā karte ho kyā karte ho

pairahan jo ki garebāñ hī rahā aur na jeb

is ko baiThe jo siyā karte ho kyā karte ho

jaan ek but pe fida karte ho kya karte ho

phir bhi ummid-e-wafa karte ho kya karte ho

hum se paiman-e-wafa karte ho kya karte ho

tark dastur-e-wafa karte ho kya karte ho

wada karte ho wafa karte ho kya karte ho

jurm-e-qanun-e-jafa karte ho kya karte ho

kar ke kaunain ko zanjiri-e-gesu-e-daraaz

zulf-e-pechan ko duta karte ho kya karte ho

KHak mein hum ko milaya to bahut KHub kiya

ab pasheman hua karte ho kya karte ho

hum ko KHud kar ke giraftar-e-bala hazrat-e-dil

ab ye kahte ho bura karte ho kya karte ho

ghar jo zindan hai to virana bana deta tha

dar-o-diwar taka karte ho kya karte ho

KHun-e-dil ashkon se bola ye umanD kar kal raat

aap hi aap baha karte ho kya karte ho

pairahan jo ki gareban hi raha aur na jeb

is ko baiThe jo siya karte ho kya karte ho