jaan muqaddar mein thi jaan se pyara na tha

jaan muqaddar meñ thī jaan se pyārā na thā

mere liye sub.h thī sub.h kā taarā na thā

bahr-e-shab-o-roz meñ bah ga.e tinke se ham

mauj-e-balā-ḳhez thī aur kinārā na thā

jaan ke dushman the sab log tire shahr ke

umr kaTī jis jagah pal bhī guzārā na thā

sard rahī umr bhar anjuman-e-ārzū

ḳhār-o-ḳhas-e-shauq meñ koī sharāra na thā

kis ke liye jāgte kis kī taraf bhāgte

itne baḌe shahr meñ koī hamārā na thā

shauq-e-safar be-sabab aur safar be-talab

us kī taraf chal diye jis ne pukārā na thā

duur sahī manzileñ ab na rahīñ himmateñ

TuuT ga.e pā-e-shauq dil abhī haarā na thā

jaan muqaddar mein thi jaan se pyara na tha

mere liye subh thi subh ka tara na tha

bahr-e-shab-o-roz mein bah gae tinke se hum

mauj-e-bala-KHez thi aur kinara na tha

jaan ke dushman the sab log tere shahr ke

umr kaTi jis jagah pal bhi guzara na tha

sard rahi umr bhar anjuman-e-arzu

KHar-o-KHas-e-shauq mein koi sharara na tha

kis ke liye jagte kis ki taraf bhagte

itne baDe shahr mein koi hamara na tha

shauq-e-safar be-sabab aur safar be-talab

us ki taraf chal diye jis ne pukara na tha

dur sahi manzilen ab na rahin himmaten

TuT gae pa-e-shauq dil abhi haara na tha