jaana kahan hai aur kahan ja rahe hain hum
jaana kahan hai aur kahan ja rahe hain hum
Abdul Majeed Khan Majeed
MORE BYAbdul Majeed Khan Majeed
jaanā kahāñ hai aur kahāñ jā rahe haiñ ham
apnoñ kī rahnumā.ī se ghabrā rahe haiñ ham
tum ne to ik nigāh uThā.ī hai is taraf
sau sau umīdeñ bāñdh ke itrā rahe haiñ ham
nākām ho ke apnī sadā lauT aa.egī
ye jaan kar bhī dasht meñ chillā rahe haiñ ham
sab apnī apnī raah par aage nikal ga.e
ab kis kā intizār kiye jā rahe haiñ ham
na jaane kis kī yaad ne lī dil meñ gudgudī
aa.ina dekh dekh ke sharmā rahe haiñ ham
duniyā ke kārobār se matlab nahīñ 'majīd'
dil ko ḳhayāl-e-yār se bahlā rahe haiñ ham
jaana kahan hai aur kahan ja rahe hain hum
apnon ki rahnumai se ghabra rahe hain hum
tum ne to ek nigah uThai hai is taraf
sau sau umiden bandh ke itra rahe hain hum
nakaam ho ke apni sada lauT aaegi
ye jaan kar bhi dasht mein chilla rahe hain hum
sab apni apni rah par aage nikal gae
ab kis ka intizar kiye ja rahe hain hum
na jaane kis ki yaad ne li dil mein gudgudi
aaina dekh dekh ke sharma rahe hain hum
duniya ke karobar se matlab nahin 'majid'
dil ko KHayal-e-yar se bahla rahe hain hum
- Ek Aag Si Seene Mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
