jaane kaise main sada be-baal-o-par uDta raha

jaane kaise maiñ sadā be-bāl-o-par uḌtā rahā

dostoñ ke shahr meñ misl-e-ḳhabar uḌtā rahā

'umr kī ye tez-gāmī aur phir terā ḳhayāl

ek saaya sā pas-e-gard-e-safar uḌtā rahā

kaise kaise imtihāñ tū ne liye ai zindagī

phir bhī maiñ bāzū-shikasta umr-bhar uḌtā rahā

jaane kyā samjhā ke us ko le ga.ī pāgal havā

der tak patta shajar se TuuT kar uḌtā rahā

paañv vahshat ne pakaḌ rakhe the sahrā dekh kar

aur tasavvur jānib-e-dīvār-o-dar uḌtā rahā

ik parinda amn kā paalā thā ham ne pyaar se

laakh kaaTe bāl-o-par tum ne magar uḌtā rahā

muntazir is baar bhī āñkheñ raheñ apnī 'ziyā'

koī chehra bādaloñ ke dosh par uḌtā rahā

jaane kaise main sada be-baal-o-par uDta raha

doston ke shahr mein misl-e-KHabar uDta raha

'umr ki ye tez-gami aur phir tera KHayal

ek saya sa pas-e-gard-e-safar uDta raha

kaise kaise imtihan tu ne liye ai zindagi

phir bhi main bazu-shikasta umr-bhar uDta raha

jaane kya samjha ke us ko le gai pagal hawa

der tak patta shajar se TuT kar uDta raha

panw wahshat ne pakaD rakhe the sahra dekh kar

aur tasawwur jaanib-e-diwar-o-dar uDta raha

ek parinda amn ka pala tha hum ne pyar se

lakh kaTe baal-o-par tum ne magar uDta raha

muntazir is bar bhi aankhen rahen apni 'ziya'

koi chehra baadalon ke dosh par uDta raha