jaane kis saniha-e-dard ke ghammaz rahe
jaane kis sāniha-e-dard ke ġhammāz rahe
ahd-dar-ahd bikhartī huī āvāz rahe
gum huī jaatī hai tārīk ḳhalāoñ meñ nazar
is ghaḌī mere sirhāne mirā dam-sāz rahe
apnī pahchān hī kho baiThe haiñ rafta rafta
apne hī aap se kitne nazar-andāz rahe
nā-rasā.ī kā ye dukh bhī to mukammal na huā
ham tire rabt meñ āġhāz hī āġhāz rahe
aa ke vāpas na gayā koī havā kā jhoñkā
TūTte lamhoñ meñ ehsās ke dar baaz rahe
jaane kis saniha-e-dard ke ghammaz rahe
ahd-dar-ahd bikharti hui aawaz rahe
gum hui jati hai tarik KHalaon mein nazar
is ghaDi mere sirhane mera dam-saz rahe
apni pahchan hi kho baiThe hain rafta rafta
apne hi aap se kitne nazar-andaz rahe
na-rasai ka ye dukh bhi to mukammal na hua
hum tere rabt mein aaghaz hi aaghaz rahe
aa ke wapas na gaya koi hawa ka jhonka
TuTte lamhon mein ehsas ke dar baz rahe
- Book : 1971 ki Muntakhab Shayri (Pg. 97)
- Author : Kumar Pashi, Prem Gopal Mittal
- Publication : P.K. Publishers, New Delhi (1972)
- Edition : 1972
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
