jaane kya phir ji mein aai chal paDe

jaane kyā phir jī meñ aa.ī chal paḌe

ham ne ik cigarette jalā.ī chal paḌe

ġhaib se aa.ī thī ham ko ik sadā

chhoḌ kar saarī ḳhudā.ī chal paḌe

is se pahle rokte dīvār-o-dar

aag ḳhud ghar ko lagā.ī chal paḌe

aaj jaane kā kahīñ dil to na thā

bas kisī kī yaad aa.ī chal paḌe

is qadar thī rahguzar se nisbateñ

jab safar kī baat aa.ī chal paḌe

shab ga.e āvāz ik aa.ī hameñ

ham ne bhī himmat juTā.ī chal paḌe

jānte the āḳhirat kā hai safar

aa ga.ī shām-e-judā.ī chal paḌe

jaane kya phir ji mein aai chal paDe

hum ne ek cigarette jalai chal paDe

ghaib se aai thi hum ko ek sada

chhoD kar sari KHudai chal paDe

is se pahle rokte diwar-o-dar

aag KHud ghar ko lagai chal paDe

aaj jaane ka kahin dil to na tha

bas kisi ki yaad aai chal paDe

is qadar thi rahguzar se nisbaten

jab safar ki baat aai chal paDe

shab gae aawaz ek aai hamein

hum ne bhi himmat juTai chal paDe

jaante the aaKHirat ka hai safar

aa gai sham-e-judai chal paDe