jaane lage hain ab dam-e-sard aasman talak

jaane lage haiñ ab dam-e-sard āsmāñ talak

ThanDī saḌak banī hai yahāñ se vahāñ talak

jalte haiñ ġham se jān-o-dil-o-sīna-o-jigar

chāroñ taraf hai aag bujhā.ūñ kahāñ talak

bīmār ho gayā huuñ maiñ qaht-e-sharāb se

lillāh le chalo mujhe pīr-e-muġhāñ talak

masjid se duur hai ye dukāñ mai-farosh kī

aatī nahīñ hai kaan meñ bāñg-e-azāñ talak

niklā jo dam to rāhat-o-ārām hai 'asīr'

āvārgī hai jism kī rūh-e-ravāñ talak

jaane lage hain ab dam-e-sard aasman talak

ThanDi saDak bani hai yahan se wahan talak

jalte hain gham se jaan-o-dil-o-sina-o-jigar

chaaron taraf hai aag bujhaun kahan talak

bimar ho gaya hun main qaht-e-sharab se

lillah le chalo mujhe pir-e-mughan talak

masjid se dur hai ye dukan mai-farosh ki

aati nahin hai kan mein bang-e-azan talak

nikla jo dam to rahat-o-aram hai 'asir'

aawargi hai jism ki ruh-e-rawan talak