جاؤ میں تم سے بولتی ہی نہیں
جاؤ میں تم سے بولتی ہی نہیں
تم محبت کے آدمی ہی نہیں
تم تو ایسے بتا رہے ہو مجھے
میں تو جیسے پڑھی لکھی ہی نہیں
میں نے دل میں اتر کے دیکھا ہے
وہ محبت تو اب رہی ہی نہیں
روز ہم چائے ساتھ پیتے تھے
بات آگے کبھی بڑھی ہی نہیں
اب تو تم بھی سمجھ گئے ہو گے
میں تمھارے لئے بنی ہی نہیں
اس کو خود ہی جگانا پڑتا ہے
ورنہ قسمت تو جاگتی ہی نہیں
پانی جیسا مزاج ہے اس کا
عشق کی آگ پھیلتی ہی نہیں
اپنی تعریف ایسے کرتے ہو
جیسے میں تم کو جانتی ہی نہیں
بچے کتنے شریر ہو گئے ہیں
کیسی ماں ہے کہ ڈانٹتی ہی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
