jari safar hai apna safar ke baghair bhi

jaarī safar hai apnā safar ke baġhair bhī

ham chal rahe haiñ rāhguzar ke baġhair bhī

dīvār ke baġhair bhī dar ke baġhair bhī

jiite haiñ kitne log to ghar ke baġhair bhī

kyā kyā kiyā zalīl mujhe ḳhvāhishāt ne

jhuktā gayā hai sar tire dar ke baġhair bhī

qadroñ kā ye zavāl ye kaj-fahmiyoñ kā daur

sab bā-hunar hue haiñ hunar ke baġhair bhī

kamzor ho gayā hai shajar apnī zaat kā

har shāḳh jhuk ga.ī hai samar ke baġhair bhī

sachchī samā.atoñ kā zamāna guzar gayā

naġhme panap rahe haiñ asar ke baġhair bhī

ye maiñ shab-e-firāq kī kin manziloñ meñ huuñ

sūraj nikal rahā hai sahar ke baġhair bhī

kin vāqi.oñ ne un kā lahu sard kar diyā

Darte haiñ log ab kisī Dar ke baġhair bhī

rahne do us ko apnī anā ke dabāo meñ

sab kaam chal rahe haiñ 'hunar' ke baġhair bhī

jari safar hai apna safar ke baghair bhi

hum chal rahe hain rahguzar ke baghair bhi

diwar ke baghair bhi dar ke baghair bhi

jite hain kitne log to ghar ke baghair bhi

kya kya kiya zalil mujhe KHwahishat ne

jhukta gaya hai sar tere dar ke baghair bhi

qadron ka ye zawal ye kaj-fahmiyon ka daur

sab ba-hunar hue hain hunar ke baghair bhi

kamzor ho gaya hai shajar apni zat ka

har shaKH jhuk gai hai samar ke baghair bhi

sachchi samaaton ka zamana guzar gaya

naghme panap rahe hain asar ke baghair bhi

ye main shab-e-firaq ki kin manzilon mein hun

suraj nikal raha hai sahar ke baghair bhi

kin waqion ne un ka lahu sard kar diya

Darte hain log ab kisi Dar ke baghair bhi

rahne do us ko apni ana ke dabao mein

sab kaam chal rahe hain 'hunar' ke baghair bhi