jaun jis samt ijazat hai mujhe
jā.ūñ jis samt ijāzat hai mujhe
dasht meñ kitnī suhūlat hai mujhe
in makīnoñ kā sulūk apnī jagah
dar-o-dīvār pe hairat hai mujhe
tum bhī masrūf nazar aate ho
maiñ bhī chaltā huuñ ki 'ujlat hai mujhe
maiñ havā meñ jo uḌā phirtā huuñ
ġhāliban ḳhaak se nisbat hai mujhe
yaad rakhtā huuñ jahāñ logoñ ko
bhuul jaane kī bhī 'ādat hai mujhe
kaam kuchh aan paḌā hai aisā
varna kyā dil kī zarūrat hai mujhe
jaun jis samt ijazat hai mujhe
dasht mein kitni suhulat hai mujhe
in makinon ka suluk apni jagah
dar-o-diwar pe hairat hai mujhe
tum bhi masruf nazar aate ho
main bhi chalta hun ki 'ujlat hai mujhe
main hawa mein jo uDa phirta hun
ghaaliban KHak se nisbat hai mujhe
yaad rakhta hun jahan logon ko
bhul jaane ki bhi 'adat hai mujhe
kaam kuchh aan paDa hai aisa
warna kya dil ki zarurat hai mujhe
- Book : Ek Shaam Tumhare Hisse Ki (Pg. 40)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
