jab bhi do aansu nikal kar rah gae

jab bhī do aañsū nikal kar rah ga.e

dard ke unvāñ badal kar rah ga.e

kitnī fariyādeñ laboñ par ruk ga.iiñ

kitne ashk aahoñ meñ Dhal kar rah ga.e

ruḳh badal jaatā mirī taqdīr kā

aap hī tevar badal kar rah ga.e

khul ke rone kī tamannā thī hameñ

ek do aañsū nikal kar rah ga.e

zindagī bhar saath denā thā jinheñ

do qadam hamrāh chal kar rah ga.e

tere andāz-e-'tabassum' kā fusūñ

hādse pahlū badal kar rah ga.e

jab bhi do aansu nikal kar rah gae

dard ke unwan badal kar rah gae

kitni fariyaaden labon par ruk gain

kitne ashk aahon mein Dhal kar rah gae

ruKH badal jata meri taqdir ka

aap hi tewar badal kar rah gae

khul ke rone ki tamanna thi hamein

ek do aansu nikal kar rah gae

zindagi bhar sath dena tha jinhen

do qadam hamrah chal kar rah gae

tere andaz-e-'tabassum' ka fusun

hadse pahlu badal kar rah gae