jab bhi ghar ki chhat par jaen naz dikhane aa jate hain

jab bhī ghar kī chhat par jaa.eñ naaz dikhāne aa jaate haiñ

kaise kaise log hamāre jī ko jalāne aa jaate haiñ

din bhar jo sūraj ke Dar se galiyoñ meñ chhup rahte haiñ

shaam aate hī āñkhoñ meñ vo rañg purāne aa jaate haiñ

jin logoñ ne un kī talab meñ sahrāoñ kī dhuul uḌaa.ī

ab ye hasīñ un kī qabroñ par phuul chaḌhāne aa jaate haiñ

kaun sā vo jaadū hai jis se ġham kī añdherī sard guphā meñ

laakh nisā.ī saañs diloñ ke rog miTāne aa jaate haiñ

ze ke reshmī rumāloñ ko kis kis kī nazroñ se chhupā.eñ

kaise haiñ vo log jinheñ ye raaz chhupāne aa jaate haiñ

ham bhī 'munīr' ab duniyā-dārī kar ke vaqt guzāreñge

hote hote jiine ke bhī laakh bahāne aa jaate haiñ

jab bhi ghar ki chhat par jaen naz dikhane aa jate hain

kaise kaise log hamare ji ko jalane aa jate hain

din bhar jo suraj ke Dar se galiyon mein chhup rahte hain

sham aate hi aankhon mein wo rang purane aa jate hain

jin logon ne un ki talab mein sahraon ki dhul uDai

ab ye hasin un ki qabron par phul chaDhane aa jate hain

kaun sa wo jadu hai jis se gham ki andheri sard gupha mein

lakh nisai sans dilon ke rog miTane aa jate hain

ze ke reshmi rumalon ko kis kis ki nazron se chhupaen

kaise hain wo log jinhen ye raaz chhupane aa jate hain

hum bhi 'munir' ab duniya-dari kar ke waqt guzarenge

hote hote jine ke bhi lakh bahane aa jate hain