jab bhi gulshan mein chali ThanDi hawa

jab bhī gulshan meñ chalī ThanDī havā

aur pāgal kar ga.ī ThanDī havā

pahle to aisī na thī ThanDī havā

ho ga.ī kyuuñ dil-jalī ThanDī havā

sun ke us kī baat ġhunche hañs paḌe

kaan meñ kyā kah ga.ī ThanDī havā

un ke hoñToñ kā jo kar aa.ī tavāf

pā ga.ī kuchh naġhmagī ThanDī havā

hai dil-e-nākām se achchhī nahīñ

chheḌ-ḳhāni bhī tirī ThanDī havā

sach batā merī tarah kyā un kī bhī

be-qarārī thī baḌhī ThanDī havā

zaḳhm-e-dil jis se huā kuchh mundamil

kūcha-e-jānāñ kī thī ThanDī havā

dekh lete ham bhī terā kuchh kamāl

khiltī gar dil kī kalī ThanDī havā

ik pareshāñ dil kā kah degī salām

milnā un se gar kabhī ThanDī havā

'tarzī' aisā hai asīr-e-ġham tirā

haal par jis ke hañsī ThanDī havā

jab bhi gulshan mein chali ThanDi hawa

aur pagal kar gai ThanDi hawa

pahle to aisi na thi ThanDi hawa

ho gai kyun dil-jali ThanDi hawa

sun ke us ki baat ghunche hans paDe

kan mein kya kah gai ThanDi hawa

un ke honTon ka jo kar aai tawaf

pa gai kuchh naghmagi ThanDi hawa

hai dil-e-nakaam se achchhi nahin

chheD-KHani bhi teri ThanDi hawa

sach bata meri tarah kya un ki bhi

be-qarari thi baDhi ThanDi hawa

zaKHm-e-dil jis se hua kuchh mundamil

kucha-e-jaanan ki thi ThanDi hawa

dekh lete hum bhi tera kuchh kamal

khilti gar dil ki kali ThanDi hawa

ek pareshan dil ka kah degi salam

milna un se gar kabhi ThanDi hawa

'tarzi' aisa hai asir-e-gham tera

haal par jis ke hansi ThanDi hawa