jab chala wo mujhko bismil KHun mein ghaltan chhoD kar

jab chalā vo mujh ko bismil ḳhuuñ meñ ġhaltāñ chhoḌ kar

kyā hī pachhtātā thā maiñ qātil kā dāmāñ chhoḌ kar

maiñ vo majnūñ huuñ jo niklūñ kunj-e-zindāñ chhoḌ kar

seb-e-jannat tak na khā.ūñ sañg-e-tiflāñ chhoḌ kar

piive merā hī lahū maanī jo lab us shoḳh ke

khīñche to shañgarf se ḳhūn-e-shahīdāñ chhoḌ kar

maiñ huuñ vo gumnām jab daftar meñ naam aayā mirā

rah gayā bas munshi-e-qudart jagah vaañ chhoḌ kar

sāya-e-sarv-e-chaman tujh bin Darātā hai mujhe

saañp sā paanī meñ ai sarv-ḳhirāmāñ chhoḌ kar

ho gayā tiflī hī se dil meñ tarāzū tīr-e-ishq

bhāge haiñ maktab se ham aurāq-e-mīzāñ chhoḌ kar

ahl-e-jauhar ko vatan meñ rahne detā gar falak

laal kyuuñ is rañg se aatā badaḳhshāñ chhoḌ kar

shauq hai us ko bhī tarz-e-nāla-e-ushshāq se

dam-ba-dam chheḌe hai muñh se dūd-e-qulyāñ chhoḌ kar

dil to lagte hī lage gā hūryān-e-adn se

bāġh-e-hastī se chalā huuñ haa.e pariyāñ chhoḌ kar

ghar se bhī vāqif nahīñ us ke ki jis ke vāste

baiThe haiñ ghar-bār ham sab ḳhāna-vīrāñ chhoḌ kar

vasl meñ gar hove mujh ko rūyat-e-māh-e-rajab

rū-e-jānāñ hī ko dekhūñ maiñ to qur.āñ chhoḌ kar

in dinoñ garche dakan meñ hai baḌī qadr-e-suḳhan

kaun jaa.e 'zauq' par dillī kī galiyāñ chhoḌ kar

jab chala wo mujh ko bismil KHun mein ghaltan chhoD kar

kya hi pachhtata tha main qatil ka daman chhoD kar

main wo majnun hun jo niklun kunj-e-zindan chhoD kar

seb-e-jannat tak na khaun sang-e-tiflan chhoD kar

piwe mera hi lahu mani jo lab us shoKH ke

khinche to shangarf se KHun-e-shahidan chhoD kar

main hun wo gumnam jab daftar mein nam aaya mera

rah gaya bas munshi-e-qudart jagah wan chhoD kar

saya-e-sarw-e-chaman tujh bin Daraata hai mujhe

sanp sa pani mein ai sarw-KHiraman chhoD kar

ho gaya tifli hi se dil mein taraazu tir-e-ishq

bhage hain maktab se hum auraq-e-mizan chhoD kar

ahl-e-jauhar ko watan mein rahne deta gar falak

lal kyun is rang se aata badaKHshan chhoD kar

shauq hai us ko bhi tarz-e-nala-e-ushshaq se

dam-ba-dam chheDe hai munh se dud-e-qulyan chhoD kar

dil to lagte hi lage ga huryan-e-adn se

bagh-e-hasti se chala hun hae pariyan chhoD kar

ghar se bhi waqif nahin us ke ki jis ke waste

baiThe hain ghar-bar hum sab KHana-viran chhoD kar

wasl mein gar howe mujh ko ruyat-e-mah-e-rajab

ru-e-jaanan hi ko dekhun main to quran chhoD kar

in dinon garche dakan mein hai baDi qadr-e-suKHan

kaun jae 'zauq' par dilli ki galiyan chhoD kar