jab dahr ke gham se aman na mili hum logon ne ishq ijad kiya

jab dahr ke ġham se amaañ na milī ham logoñ ne ishq ījād kiyā

kabhī shahr-e-butāñ meñ ḳharāb phire kabhī dasht-e-junūñ ābād kiyā

kabhī bastiyāñ ban kabhī koh-o-daman rahā kitne dinoñ yahī jī kā chalan

jahāñ husn milā vahāñ baiTh rahe jahāñ pyaar milā vahāñ saad kiyā

shab-e-māh meñ jab bhī ye dard uThā kabhī bait kahe likhī chāñd-nagar

kabhī koh se jā sar phoḌ mare kabhī qais ko jā ustād kiyā

yahī ishq bil-āḳhir rog banā ki hai chaah ke saath ba-jog banā

jise banñā thā aish vo sog banā baḌā man ke nagar meñ fasād kiyā

ab qurbat-o-sohbat-e-yār kahāñ lab o aariz o zulf o kanār kahāñ

ab apnā bhī 'mīr' sā aalam hai Tuk dekh liyā jī shaad kiyā

jab dahr ke gham se aman na mili hum logon ne ishq ijad kiya

kabhi shahr-e-butan mein KHarab phire kabhi dasht-e-junun aabaad kiya

kabhi bastiyan ban kabhi koh-o-daman raha kitne dinon yahi ji ka chalan

jahan husn mila wahan baiTh rahe jahan pyar mila wahan sad kiya

shab-e-mah mein jab bhi ye dard uTha kabhi bait kahe likhi chand-nagar

kabhi koh se ja sar phoD mare kabhi qais ko ja ustad kiya

yahi ishq bil-aKHir rog bana ki hai chah ke sath ba-jog bana

jise banna tha aish wo sog bana baDa man ke nagar mein fasad kiya

ab qurbat-o-sohbat-e-yar kahan lab o aariz o zulf o kanar kahan

ab apna bhi 'mir' sa aalam hai Tuk dekh liya ji shad kiya