jab fart-e-gham mein aankh se aansu nikal gae

jab fart-e-ġham meñ aañkh se aañsū nikal ga.e

hālāt mere dekh ke patthar pighal ga.e

mujh se bichhaḌ ke vo to bahut shaad the magar

mere qarīb aa.e to chehre badal ga.e

ab kyā sunā.eñ dāstāñ apnoñ kī bhī tumheñ

ġham ko hamāre dekh ke jab tum machal ga.e

barsoñ ke baa'd aayā jo mausam bahār kā

merī ḳhushī ko dekh ke apne hī jal ga.e

kāñToñ ko ham ne pyaar se chūmā to dekh kar

gulshan ke saare phuul 'shabāhat' kuchal ga.e

jab fart-e-gham mein aankh se aansu nikal gae

haalat mere dekh ke patthar pighal gae

mujh se bichhaD ke wo to bahut shad the magar

mere qarib aae to chehre badal gae

ab kya sunaen dastan apnon ki bhi tumhein

gham ko hamare dekh ke jab tum machal gae

barson ke ba'd aaya jo mausam bahaar ka

meri KHushi ko dekh ke apne hi jal gae

kanTon ko hum ne pyar se chuma to dekh kar

gulshan ke sare phul 'shabahat' kuchal gae