jab ham-nashin hamara bhi ahd-e-shabab tha

jab ham-nashīñ hamārā bhī ahd-e-shabāb thā

kyā kyā nashāt-o-aish se dil kāmyāb thā

hairat hai us kī zūd-ravī kyā kaheñ ham aah

naqsh-e-tilism thā vo koī yā habāb thā

thā jab vo jalva-gar to dil-o-jāñ meñ dam-ba-dam

ishrat kī had na aish-o-tarab kā hisāb thā

the bāġh-e-zindagī ke usī se hī āb-o-rañg

dīvān-e-umr kā bhī vahī intiḳhāb thā

apnī to fahm meñ vahī hañgām ai 'nazīr'

majmūa-e-hayāt kā lubb-e-lubāb thā

jab ham-nashin hamara bhi ahd-e-shabab tha

kya kya nashat-o-aish se dil kaamyab tha

hairat hai us ki zud-rawi kya kahen hum aah

naqsh-e-tilism tha wo koi ya habab tha

tha jab wo jalwa-gar to dil-o-jaan mein dam-ba-dam

ishrat ki had na aish-o-tarab ka hisab tha

the bagh-e-zindagi ke usi se hi aab-o-rang

diwan-e-umr ka bhi wahi intiKHab tha

apni to fahm mein wahi hangam ai 'nazir'

majmua-e-hayat ka lubb-e-lubab tha