jab iKHtiyar-e-jabr-e-mashiyyat mein aa gae

jab iḳhtiyār-e-jabr-e-mashiyyat meñ aa ga.e

tujh se bichhaḌ ke taaza rifāqat meñ aa ga.e

bas ik shajar ko ḳhuld meñ hairat se chhū liyā

aur is nigār-ḳhāna-e-hairat meñ aa ga.e

yūsuf kā husn chashm-e-zuleḳhā ne chun liyā

ham aise mustarad tirī qismat meñ aa ga.e

aql-o-ḳhirad ne jab bhī tujhe bevafā kahā

is dil ke zaḳhm terī himāyat meñ aa ga.e

ham bhī anā-parast haiñ lekin tirī qasam

ham tere dar pe terī mohabbat meñ aa ga.e

ruḳhsat kiyā kisī ko to apne hī shahr meñ

aisā lagā ki kūcha-e-ġhurbat meñ aa ga.e

jab iKHtiyar-e-jabr-e-mashiyyat mein aa gae

tujh se bichhaD ke taza rifaqat mein aa gae

bas ek shajar ko KHuld mein hairat se chhu liya

aur is nigar-KHana-e-hairat mein aa gae

yusuf ka husn chashm-e-zuleKHa ne chun liya

hum aise mustarad teri qismat mein aa gae

aql-o-KHirad ne jab bhi tujhe bewafa kaha

is dil ke zaKHm teri himayat mein aa gae

hum bhi ana-parast hain lekin teri qasam

hum tere dar pe teri mohabbat mein aa gae

ruKHsat kiya kisi ko to apne hi shahr mein

aisa laga ki kucha-e-ghurbat mein aa gae