jab jab pari KHayal ki taswir khinchiye

jab jab parī ḳhayāl kī tasvīr khīñchiye

har rang-rang ḳhvāb kī ta.abīr khīñchiye

ḳhush-rañg aap haiñ to taḳhayyul ke rang se

ġhazloñ meñ lāla-fikr kī tasvīr khīñchiye

har har qadam pe ḳhuun rulāte haiñ kis liye

har naqsh-e-dāġh-e-zaḳhm kī tauqīr khīñchiye

tārīkiyāñ khurach ke to kar liije pahle saaf

dīvār-e-dil pe phir koī tasvīr khīñchiye

dil ke safar kā naam hai ik dard kā bahāv

phir us safar meñ kyoñ koī zanjīr khīñchiye

dushman haiñ lais lais to phir kyā balā huī

chaliye kamān uThā.iye aur tiir khīñchiye

yādoñ kā aks hai na taḳhayyul kā naqsh hai

phir lab pe kis ke naam kī tahrīr khīñchiye

ghabrā ke dil na ro paḌe dasht-e-ḳhayāl meñ

zulmat ke ham shikār haiñ tanvīr khīñchiye

ho shab kī ḳhāmushī ki ho hangāma-e-sahar

'aḳhtar' zarūr nāla-e-dil-gīr khīñchiye

jab jab pari KHayal ki taswir khinchiye

har rang-rang KHwab ki tabir khinchiye

KHush-rang aap hain to taKHayyul ke rang se

ghazlon mein lala-fikr ki taswir khinchiye

har har qadam pe KHun rulate hain kis liye

har naqsh-e-dagh-e-zaKHm ki tauqir khinchiye

tarikiyan khurach ke to kar lije pahle saf

diwar-e-dil pe phir koi taswir khinchiye

dil ke safar ka nam hai ek dard ka bahaw

phir us safar mein kyon koi zanjir khinchiye

dushman hain lais lais to phir kya bala hui

chaliye kaman uThaiye aur tir khinchiye

yaadon ka aks hai na taKHayyul ka naqsh hai

phir lab pe kis ke nam ki tahrir khinchiye

ghabra ke dil na ro paDe dasht-e-KHayal mein

zulmat ke hum shikar hain tanwir khinchiye

ho shab ki KHamushi ki ho hangama-e-sahar

'aKHtar' zarur nala-e-dil-gir khinchiye