jab kaDi dhup se qadmon mein thakan aati hai

jab kaḌī dhuup se qadmoñ meñ thakan aatī hai

zindagī peḌ tale baiTh ke sustātī hai

ruuh ik marg ke aalam se guzartī hai yahāñ

zindagī ḳhud ko akelī jo kabhī paatī hai

jab bhī aatā hai mire dil meñ koī shor-e-tarab

ek ḳhāmoshī mire jism meñ chillātī hai

raqs karte haiñ mirī raah ke lashkar har sū

zindagī jab bhī koī giit nayā gaatī hai

ye kitābeñ ye risāle zarā tum bhī paḌh lo

in se achchhā.ī burā.ī kī samajh aatī hai

vo mire ḳhvāb kī ma.asūm sī pyārī laḌkī

memna god meñ le kar baḌā muskātī hai

maiñ to chaTTān huuñ sāhil kī mujhe kyā shikva

lahr chhū ke mire dāman ko palaT jaatī hai

jab kaDi dhup se qadmon mein thakan aati hai

zindagi peD tale baiTh ke sustati hai

ruh ek marg ke aalam se guzarti hai yahan

zindagi KHud ko akeli jo kabhi pati hai

jab bhi aata hai mere dil mein koi shor-e-tarab

ek KHamoshi mere jism mein chillati hai

raqs karte hain meri rah ke lashkar har su

zindagi jab bhi koi git naya gati hai

ye kitaben ye risale zara tum bhi paDh lo

in se achchhai burai ki samajh aati hai

wo mere KHwab ki masum si pyari laDki

memna god mein le kar baDa muskati hai

main to chaTTan hun sahil ki mujhe kya shikwa

lahr chhu ke mere daman ko palaT jati hai