jab kali par shabab aata hai

jab kalī par shabāb aatā hai

nik.hat-e-gul ko taab aatā hai

der ho jaa.e shaiḳh tauba meñ

jald vaqt-e-hisāb aatā hai

itnī be-sudh haiñ dhaḌkaneñ merī

kyā koī be-hijāb aatā hai

phir vo kahte haiñ dekh kar mujh ko

lo vo ḳhāna-ḳharāb aatā hai

naam bātoñ meñ jab mirā aa.e

ruḳh pe rang-e-gulāb aatā hai

do ghaḌī maut rok le koī

le ke qāsid javāb aatā hai

daur-e-furqat na pūchhiye ham se

niiñd aa.e na ḳhvāb aatā hai

jab bhī hotā huuñ mai-kade dāḳhil

mujh pe daur-e-shabāb aatā hai

vo jo ho jaa.eñ rū-barū ham se

ham ko un se hijāb aatā hai

sub.h-dam us kā baam par aanā

kākuleñ pech-o-tāb aatā hai

jab jabīn-e-'ḳhayāl' jhuk jaa.e

'arsh se māhtāb aatā hai

jab kali par shabab aata hai

nikhat-e-gul ko tab aata hai

der ho jae shaiKH tauba mein

jald waqt-e-hisab aata hai

itni be-sudh hain dhaDkanen meri

kya koi be-hijab aata hai

phir wo kahte hain dekh kar mujh ko

lo wo KHana-KHarab aata hai

nam baaton mein jab mera aae

ruKH pe rang-e-gulab aata hai

do ghaDi maut rok le koi

le ke qasid jawab aata hai

daur-e-furqat na puchhiye hum se

nind aae na KHwab aata hai

jab bhi hota hun mai-kade daKHil

mujh pe daur-e-shabab aata hai

wo jo ho jaen ru-baru hum se

hum ko un se hijab aata hai

subh-dam us ka baam par aana

kakulen pech-o-tab aata hai

jab jabin-e-'KHayal' jhuk jae

'arsh se mahtab aata hai