jab koi rasta nahin hota
jab koī rāsta nahīñ hotā
kaun mahv-e-duā nahīñ hotā
log zulmat se yuuñ hī nālāñ haiñ
roz-e-raushan meñ kyā nahīñ hotā
TuuTe tāroñ ko chhū ke dekhā hai
sāz-e-dil be-sadā nahīñ hotā
har ḳhushī dil se kyuuñ lagā baiTheñ
kis meñ ġham ho pata nahīñ hotā
aao mil baiTh lo ghaḌī-do-ghaḌī
us ghaḌī kā pata nahīñ hotā
sard-mehrī hamārī aadat hai
varna zarre meñ kyā nahīñ hotā
phir vahī shab vahī tavīl safar
ḳhatm ye silsila nahīñ hotā
jab koi rasta nahin hota
kaun mahw-e-dua nahin hota
log zulmat se yun hi nalan hain
roz-e-raushan mein kya nahin hota
TuTe taron ko chhu ke dekha hai
saz-e-dil be-sada nahin hota
har KHushi dil se kyun laga baiThen
kis mein gham ho pata nahin hota
aao mil baiTh lo ghaDi-do-ghaDi
us ghaDi ka pata nahin hota
sard-mehri hamari aadat hai
warna zarre mein kya nahin hota
phir wahi shab wahi tawil safar
KHatm ye silsila nahin hota
- Book : Ehsas Dar Ehsas (Pg. 100)
- Author : Amar Singh Figar
- Publication : Modern Publishing House (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
