jab main dil ka hisab likhta hun

jab maiñ dil kā hisāb likhtā huuñ

ġham ko apne gulāb likhtā huuñ

koī ummīd jab nahīñ hotī

ḳhud ke ḳhat kā javāb likhtā huuñ

itnā māyūs us ne kar Daalā

us kā jalva hijāb likhtā huuñ

laakh samjhā.e mujh ko tū nāseh

terī bāteñ azaab likhtā huuñ

saarī duniyā hai jāntī 'sarvar'

maiñ to ġhazleñ ḳharāb likhtā huuñ

jab main dil ka hisab likhta hun

gham ko apne gulab likhta hun

koi ummid jab nahin hoti

KHud ke KHat ka jawab likhta hun

itna mayus us ne kar Dala

us ka jalwa hijab likhta hun

lakh samjhae mujh ko tu naseh

teri baaten azab likhta hun

sari duniya hai jaanti 'sarwar'

main to ghazlen KHarab likhta hun