jab munDeron pe parindon ki kumak jari thi

Hammad Niyazi

jab munDeron pe parindon ki kumak jari thi

Hammad Niyazi

MORE BY Hammad Niyazi

    jab muñDeroñ pe parindoñ kumak jaarī thī

    lafz the lafzoñ meñ ehsās sardārī thī

    ab jo lauTā huuñ to pahchān nahīñ hotī hai

    kahāñ dīvār thī dīvār meñ almārī thī

    vo havelī bhī sahelī thī pahelī jaisī

    jis īñToñ meñ mire ḳhvāb the ḳhuddārī thī

    āḳhirī baar maiñ kab us se milā yaad nahīñ

    bas yahī yaad hai ik shaam bahut bhārī thī

    pūchhtā phirtā huuñ galiyoñ meñ koī hai koī hai

    ye vo galiyāñ haiñ jahāñ log the sarshārī thī

    peḌ the chand makānoñ meñ zamānoñ jaise

    jin chhāñv meñ mirī ruuh jaarī thī

    kyā bhale din the hameñ khel thā hañsnā ronā

    saañs lenā bhī hameñ jaise adākārī thī

    bas koī ḳhvāb thā aur ḳhvāb ke pas-manzar meñ

    baaġh thā phuul the ḳhushbū numūdārī thī

    ham ne dekhā thā use ujle dinoñ meñ 'hammād'

    jin dinoñ niind thī aur niind meñ bedārī thī

    jab munDeron pe parindon ki kumak jari thi

    lafz the lafzon mein ehsas ki sardari thi

    ab jo lauTa hun to pahchan nahin hoti hai

    kahan diwar thi diwar mein almari thi

    wo haweli bhi saheli thi paheli jaisi

    jis ki inTon mein mere KHwab the KHuddari thi

    aaKHiri bar main kab us se mila yaad nahin

    bas yahi yaad hai ek sham bahut bhaari thi

    puchhta phirta hun galiyon mein koi hai koi hai

    ye wo galiyan hain jahan log the sarshaari thi

    peD the chand makanon mein zamanon jaise

    jin ki chhanw mein meri ruh ki lu jari thi

    kya bhale din the hamein khel tha hansna rona

    sans lena bhi hamein jaise adakari thi

    bas koi KHwab tha aur KHwab ke pas-manzar mein

    bagh tha phul the KHushbu ki numudari thi

    hum ne dekha tha use ujle dinon mein 'hammad'

    jin dinon nind thi aur nind mein bedari thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites