jab na jite-ji mere kaam aaegi

jab na jīte-jī mire kaam aa.egī

kyā ye duniyā āqibat baḳhshā.egī

jab mile do dil muḳhil phir kaun hai

baiTh jaao ḳhud hayā uTh jā.egī

gar yahī hai is gulistāñ kī havā

shāḳh-e-gul ik roz jhoñkā khā.egī

dāġh-e-saudā ek din degā bahār

fasl is gul kī shagūfa lā.egī

kuchh to hogā hijr meñ anjām-e-kār

be-qarārī kuchh na kuchh Thahrā.egī

sandalī rañgoñ se maanā dil milā

dard sar kī kis ke māthe jā.egī

ḳhāksāroñ se jo rakkhegā ġhubār

o falak badlī tirī ho jā.egī

jab karegā garmiyāñ vo shola-rū

sham-e-mahfil dekh kar jal jā.egī

jaañ nikal jā.egī tan se ai 'nasīm'

gul ko bū-e-gul havā batlā.egī

jab na jite-ji mere kaam aaegi

kya ye duniya aaqibat baKHshaegi

jab mile do dil muKHil phir kaun hai

baiTh jao KHud haya uTh jaegi

gar yahi hai is gulistan ki hawa

shaKH-e-gul ek roz jhonka khaegi

dagh-e-sauda ek din dega bahaar

fasl is gul ki shagufa laegi

kuchh to hoga hijr mein anjam-e-kar

be-qarari kuchh na kuchh Thahraegi

sandali rangon se mana dil mila

dard sar ki kis ke mathe jaegi

KHaksaron se jo rakkhega ghubar

o falak badli teri ho jaegi

jab karega garmiyan wo shola-ru

sham-e-mahfil dekh kar jal jaegi

jaan nikal jaegi tan se ai 'nasim'

gul ko bu-e-gul hawa batlaegi