jab nabi-sahib mein koh-o-dasht se aai basant
jab nabi-sahib mein koh-o-dasht se aai basant
Mushafi Ghulam Hamdani
MORE BYMushafi Ghulam Hamdani
jab nabī-sāhib meñ koh-o-dasht se aa.ī basant
kar ke mujrā shāh-e-mardāñ kī taraf dhaa.ī basant
ḳhvāja-qutbuddīñ meñ phir gaḌvā banā kar le ga.ī
ya.anī un kī nazr ko sau phuul gul laa.ī basant
vaañ se phir hazrat-nizāmuddīñ kī ḳhidmat meñ chalī
turbat-e-ḳhusrav pe phir ho ke khaḌe gaa.ī basant
sū-e-hazrat turkamāñ aa.ī jo kar us kā tavāf
ho ga.ī vohīñ bayābānī-o-sahrā.ī basant
vohīñ phir darbār-e-shāh-e-hind meñ rakh kar qadam
nāchne gaane lagī hañs hañs ba-zebā.ī basant
phir janāb āsif-e-daurāñ meñ bā-sad aish-o-nāz
ho ga.ī aa kar ke masrūf-e-jabīñ-sā.ī basant
'mus.hafī' ab ik ġhazal likh tū ġhazal kī tarah se
tā kare aalam kā tārāj-e-shakebā.ī basant
jab nabi-sahib mein koh-o-dasht se aai basant
kar ke mujra shah-e-mardan ki taraf dhai basant
KHwaja-qutbuddin mein phir gaDwa bana kar le gai
yani un ki nazr ko sau phul gul lai basant
wan se phir hazrat-nizamuddin ki KHidmat mein chali
turbat-e-KHusraw pe phir ho ke khaDe gai basant
su-e-hazrat turkaman aai jo kar us ka tawaf
ho gai wohin bayabani-o-sahrai basant
wohin phir darbar-e-shah-e-hind mein rakh kar qadam
nachne gane lagi hans hans ba-zebai basant
phir janab aasif-e-dauran mein ba-sad aish-o-naz
ho gai aa kar ke masruf-e-jabin-sai basant
'mushafi' ab ek ghazal likh tu ghazal ki tarah se
ta kare aalam ka taraj-e-shakebai basant
Source:
kulliyat-e-mas.hafii(Vol-4)(pdf) (Pg. 98)
- Author: Ghulam hamdani Mashafi
-
- Edition: 2005
- Publisher: Qaumi council baraye -farogh urdu
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
