jab pursish-e-haal wo farmate hain jaaniye kya ho jata hai
jab pursish-e-haal wo farmate hain jaaniye kya ho jata hai
Fani Badayuni
MORE BYFani Badayuni
jab pursish-e-hāl vo farmāte haiñ jāniye kyā ho jaatā hai
kuchh yuuñ bhī zabāñ nahīñ khultī kuchh dard sivā ho jaatā hai
ab ḳhair se un kī bazm kā itnā rañg to badlā mere ba.ad
jab naam mirā aa jaatā hai kuchh zikr-e-vafā ho jaatā hai
yaktā-e-zamāna hone par sāhab ye ġhurūr ḳhudā.ī kā
sab kuchh ho magar ḳhākam-ba-dahan kyā koī ḳhudā ho jaatā hai
qatra qatra rahtā hai dariyā se judā rah sakne tak
jo tāb-e-judā.ī lā na sake vo qatra fanā ho jaatā hai
phir dil se 'fānī' saare ke saare naqsh-e-jafā miT jaate haiñ
jis vaqt vo zālim sāmne aa kar jān-e-hayā ho jaatā hai
jab pursish-e-haal wo farmate hain jaaniye kya ho jata hai
kuchh yun bhi zaban nahin khulti kuchh dard siwa ho jata hai
ab KHair se un ki bazm ka itna rang to badla mere baad
jab nam mera aa jata hai kuchh zikr-e-wafa ho jata hai
yakta-e-zamana hone par sahab ye ghurur KHudai ka
sab kuchh ho magar KHakam-ba-dahan kya koi KHuda ho jata hai
qatra qatra rahta hai dariya se juda rah sakne tak
jo tab-e-judai la na sake wo qatra fana ho jata hai
phir dil se 'fani' sare ke sare naqsh-e-jafa miT jate hain
jis waqt wo zalim samne aa kar jaan-e-haya ho jata hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
