jab se dil mein tere baKHshe hue gham Thahre hain

jab se dil meñ tire baḳhshe hue ġham Thahre haiñ

mahram aur bhī apne liye ham Thahre haiñ

ġham ki har daur meñ Thahrā.e ga.e hāsil-e-zīst

aur is daur meñ ham sāhab-e-ġham Thahre haiñ

ham tirī raah meñ uTThe haiñ baḌe azm ke saath

gardish-e-dahr bhī Thahrī hai jo ham Thahre haiñ

shauq-e-āvārgī-o-shauq talab ke qurbāñ

uTh ga.e haiñ to kahāñ apne qadam Thahre haiñ

maiñ tasavvur se kabhī jin ke laraz uThtā thā

vahī hālāt mohabbat kā bharam Thahre haiñ

maġhfirat hī sahī mai-ḳhāna-o-mai ke ma.anī

ki yahāñ aaj safīrān-e-haram Thahre haiñ

sirf āñkhoñ hī meñ kam ruk na sake merī 'ra.īs'

mere aañsū kisī dāman meñ bhī kam Thahre haiñ

jab se dil mein tere baKHshe hue gham Thahre hain

mahram aur bhi apne liye hum Thahre hain

gham ki har daur mein Thahrae gae hasil-e-zist

aur is daur mein hum sahab-e-gham Thahre hain

hum teri rah mein uTThe hain baDe azm ke sath

gardish-e-dahr bhi Thahri hai jo hum Thahre hain

shauq-e-awargi-o-shauq talab ke qurban

uTh gae hain to kahan apne qadam Thahre hain

main tasawwur se kabhi jin ke laraz uThta tha

wahi haalat mohabbat ka bharam Thahre hain

maghfirat hi sahi mai-KHana-o-mai ke mani

ki yahan aaj safiran-e-haram Thahre hain

sirf aankhon hi mein kam ruk na sake meri 'rais'

mere aansu kisi daman mein bhi kam Thahre hain