jab se hai baad-e-KHizan sarsar-e-gham aawara

jab se hai bād-e-ḳhizāñ sarsar-e-ġham āvāra

ḳhushk pattoñ kī tarah rahte haiñ ham āvāra

kuchh to hai baat ki hai mausam-e-gul ke bā-vasf

bū-e-gul bū-e-sabā bū-e-sanam āvāra

kunj-dar-kunj sitam-ḳhurda ġhazāloñ ko abhī

tā-ba-kai rakkhegī ye lazzat-e-ram āvāra

hajla-e-sañg-e-sar-e-rah meñ na jaane kitne

rū-numā.ī ko haiñ betāb sanam āvāra

hai ġham-e-zīst kā yā soz-e-mohabbat kā sila

āriz-e-gul pe jo hai gauhar-e-nam āvāra

rañg-e-āriz ko tamāzat se bachāne ke liye

ruḳh pe lahrāyā huā abr-e-karam āvāra

jab se hai baad-e-KHizan sarsar-e-gham aawara

KHushk patton ki tarah rahte hain hum aawara

kuchh to hai baat ki hai mausam-e-gul ke ba-wasf

bu-e-gul bu-e-saba bu-e-sanam aawara

kunj-dar-kunj sitam-KHurda ghazalon ko abhi

ta-ba-kai rakkhegi ye lazzat-e-ram aawara

hajla-e-sang-e-sar-e-rah mein na jaane kitne

ru-numai ko hain betab sanam aawara

hai gham-e-zist ka ya soz-e-mohabbat ka sila

aariz-e-gul pe jo hai gauhar-e-nam aawara

rang-e-ariz ko tamazat se bachane ke liye

ruKH pe lahraya hua abr-e-karam aawara