jab se ek chand ki chahat mein sitara hua hun

jab se ik chāñd kī chāhat meñ sitārā huā huuñ

shahr-e-shab-zād kī āñkhoñ kā sahārā huā huuñ

ai mire dard ke dariyā kī ravānī mujhe dekh

maiñ tire qurb se kaT kaT ke kināra huā huuñ

zindagī! tujh sā munāfiq bhī koī kyā hogā

terā shahkār huuñ aur terā hī maarā huā huuñ

bujh ga.e jab mire sab ḳhvāb o charāġh o mahtāb

shahr-e-zulmat ko maiñ tab jā ke gavārā huā huuñ

sāmne phir mire apne haiñ so maiñ jāntā huuñ

jiit bhī jā.ūñ to ye jañg maiñ haarā huā huuñ

zaḳhm gintā huuñ shab-e-hijr meñ aur sochtā huuñ

maiñ to apnā bhī na thā kaise tumhārā huā huuñ

maiñ payambar huuñ na ho saktā huuñ phir bhī 'ahmad'

aisā lagtā hai sar-e-ḳhāk utārā huā huuñ

jab se ek chand ki chahat mein sitara hua hun

shahr-e-shab-zad ki aankhon ka sahaara hua hun

ai mere dard ke dariya ki rawani mujhe dekh

main tere qurb se kaT kaT ke kinara hua hun

zindagi! tujh sa munafiq bhi koi kya hoga

tera shahkar hun aur tera hi mara hua hun

bujh gae jab mere sab KHwab o charagh o mahtab

shahr-e-zulmat ko main tab ja ke gawara hua hun

samne phir mere apne hain so main jaanta hun

jit bhi jaun to ye jang main haara hua hun

zaKHm ginta hun shab-e-hijr mein aur sochta hun

main to apna bhi na tha kaise tumhaara hua hun

main payambar hun na ho sakta hun phir bhi 'ahmad'

aisa lagta hai sar-e-KHak utara hua hun