jab se tera karam hai banda-nawaz

jab se terā karam hai banda-navāz

soz hai soz aur na saaz hai saaz

maiñ huuñ aur merī be-par-o-bālī

dil hai aur dil kī jur.at-e-parvāz

husn kī barhamī ma.āz-allāh

gesuoñ ke bikharne kā andāz

zulf-e-barham jhukī huī nazreñ

gardan-e-nāz meñ kamand-e-niyāz

qadd-e-bālā o dāman-e-kotāh

manzil-e-ishq ke nasheb o farāz

qat.a hone lagā hai rishta-e-zīst

ai ġham-e-yār terī umr darāz

jab se tera karam hai banda-nawaz

soz hai soz aur na saz hai saz

main hun aur meri be-par-o-baali

dil hai aur dil ki jurat-e-parwaz

husn ki barhami maaz-allah

gesuon ke bikharne ka andaz

zulf-e-barham jhuki hui nazren

gardan-e-naz mein kamand-e-niyaz

qadd-e-baala o daman-e-kotah

manzil-e-ishq ke nasheb o faraaz

qata hone laga hai rishta-e-zist

ai gham-e-yar teri umr daraaz