jab se tera nam lene lag gae

jab se terā naam lene lag ga.e

har taraf yādoñ ke ḳheme lag ga.e

jab se tasvīreñ haTā.ī haiñ tirī

dil kī dīvāroñ pe jaale lag ga.e

us ne bhī gum-nām ḳhud ko kar liyā

ham bhī ḳhāmoshī se jiine lag ga.e

bāñTne aa.e ho merā dard ab

jab mere zaḳhmoñ pe Tāñke lag ga.e

kaash milne kā sabab koī bane

rāste bhī haath malne lag ga.e

maut āsānī se aa.egī nahīñ

ġham mujhe andar se khāne lag ga.e

ḳhvāb āñkhoñ ke 'munazzah' sab mirī

maut kā sāmān hone lag ga.e

jab se tera nam lene lag gae

har taraf yaadon ke KHeme lag gae

jab se taswiren haTai hain teri

dil ki diwaron pe jale lag gae

us ne bhi gum-nam KHud ko kar liya

hum bhi KHamoshi se jine lag gae

banTne aae ho mera dard ab

jab mere zaKHmon pe Tanke lag gae

kash milne ka sabab koi bane

raste bhi hath malne lag gae

maut aasani se aaegi nahin

gham mujhe andar se khane lag gae

KHwab aankhon ke 'munazzah' sab meri

maut ka saman hone lag gae