jab sen tujh ishq ki garmi ka asar hai man mein
jab señ tujh ishq kī garmī kā asar hai man meñ
tab señ phirtā huuñ udāsī ho birah ke ban meñ
aaj kī raat mirā chāñd nazar aayā hai
chāñdnī duud sī chhiTkī hai mire āñgan meñ
us kī sābit-qadamī par satī qurbān huuñ meñ
khet chhoḌā nahīñ mujh dil ne parat ke ran meñ
qatra-e-ashk mirā dāna-e-tasbīh huā
raat din mujh kuuñ guzartā hai tirī sumran meñ
jab señ dastār rañgāyā hai sanam abbāsī
gul-e-abbās kuuñ niiñ rañg rahā gulshan meñ
sair-e-dariyā señ nahīñ ham kuuñ tasallī mumkin
ġham ke tūfān ubalte haiñ hamāre man meñ
kyuuñ na ho.e dil-e-yāqūt-labāñ mom 'sirāj'
kaam kartā hai mirī aah kā hiirā khan meñ
jab sen tujh ishq ki garmi ka asar hai man mein
tab sen phirta hun udasi ho birah ke ban mein
aaj ki raat mera chand nazar aaya hai
chandni dud si chhiTki hai mere aangan mein
us ki sabit-qadami par sati qurban hun mein
khet chhoDa nahin mujh dil ne parat ke ran mein
qatra-e-ashk mera dana-e-tasbih hua
raat din mujh kun guzarta hai teri sumran mein
jab sen dastar rangaya hai sanam abbasi
gul-e-abbas kun nin rang raha gulshan mein
sair-e-dariya sen nahin hum kun tasalli mumkin
gham ke tufan ubalte hain hamare man mein
kyun na hoe dil-e-yaqut-laban mom 'siraj'
kaam karta hai meri aah ka hira khan mein
- Book : Kulliyat-e-Siraj (Pg. 511)
- Author : Siraj Aurangabadi
- Publication : Qaumi Council Baraye-Farogh Urdu (1982,1998)
- Edition : 1982,1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
