jab tak dahan-e-zaKHm na paida kare koi

jab tak dahān-e-zaḳhm na paidā kare koī

mushkil ki tujh se rāh-e-suḳhan vā kare koī

aalam ġhubār-e-vahshat-e-majnūñ hai sar-ba-sar

kab tak ḳhayāl-e-turra-e-lailā kare koī

afsurdagī nahīñ tarab-inshā-e-iltifāt

haañ dard ban ke dil meñ magar jā kare koī

rone se ai nadīm malāmat na kar mujhe

āḳhir kabhī to uqda-e-dil vā kare koī

chāk-e-jigar se jab rah-e-pursish na vā huī

kyā fā.eda ki jaib ko rusvā kare koī

laḳht-e-jigar se hai rag-e-har-ḳhār shāḳh-e-gul

tā chand bāġh-bāni-e-sahrā kare koī

nākāmi-e-nigāh hai barq-e-nazārā-soz

tū vo nahīñ ki tujh ko tamāshā kare koī

har sañg o ḳhisht hai sadaf-e-gauhar-e-shikast

nuqsāñ nahīñ junūñ se jo saudā kare koī

sar bar huī na vāda-e-sabr-āzmā se umr

fursat kahāñ ki terī tamannā kare koī

hai vahshat-e-tabī.at-e-ījād yās-ḳhez

ye dard vo nahīñ ki na paidā kare koī

bekāri-e-junūñ ko hai sar pīTne kā shuġhl

jab haath TuuT jaa.eñ to phir kyā kare koī

husn-e-faroġh-e-shamma-e-suḳhan duur hai 'asad'

pahle Dil-e-gudāḳhta paidā kare koī

vahshat kahāñ ki be-ḳhudī inshā kare koī

hastī ko lafz-e-m.ani-e-anqā kare koī

jo kuchh hai mahv-e-shoḳhi-e-abrū-e-yār hai

āñkhoñ ko rakh ke taaq pe dekhā kare koī

arz-e-sarishk par hai fazā-e-zamāna tañg

sahrā kahāñ ki dāvat-e-dariyā kare koī

vo shoḳh apne husn pe maġhrūr hai 'asad'

dikhlā ke us ko aa.ina toḌā kare koī

jab tak dahan-e-zaKHm na paida kare koi

mushkil ki tujh se rah-e-suKHan wa kare koi

aalam ghubar-e-wahshat-e-majnun hai sar-ba-sar

kab tak KHayal-e-turra-e-laila kare koi

afsurdagi nahin tarab-insha-e-iltifat

han dard ban ke dil mein magar ja kare koi

rone se ai nadim malamat na kar mujhe

aaKHir kabhi to uqda-e-dil wa kare koi

chaak-e-jigar se jab rah-e-pursish na wa hui

kya faeda ki jaib ko ruswa kare koi

laKHt-e-jigar se hai rag-e-har-KHar shaKH-e-gul

ta chand bagh-bani-e-sahra kare koi

nakaami-e-nigah hai barq-e-nazara-soz

tu wo nahin ki tujh ko tamasha kare koi

har sang o KHisht hai sadaf-e-gauhar-e-shikast

nuqsan nahin junun se jo sauda kare koi

sar bar hui na wada-e-sabr-azma se umr

fursat kahan ki teri tamanna kare koi

hai wahshat-e-tabiat-e-ijad yas-KHez

ye dard wo nahin ki na paida kare koi

bekari-e-junun ko hai sar piTne ka shughl

jab hath TuT jaen to phir kya kare koi

husn-e-farogh-e-shamma-e-suKHan dur hai 'asad'

pahle Dil-e-gudaKHta paida kare koi

wahshat kahan ki be-KHudi insha kare koi

hasti ko lafz-e-mani-e-anqa kare koi

jo kuchh hai mahw-e-shoKHi-e-abru-e-yar hai

aankhon ko rakh ke taq pe dekha kare koi

arz-e-sarishk par hai faza-e-zamana tang

sahra kahan ki dawat-e-dariya kare koi

wo shoKH apne husn pe maghrur hai 'asad'

dikhla ke us ko aaina toDa kare koi