jab tak gham-e-ulfat ka unsur na mila hoga
jab tak ġham-e-ulfat kā unsur na milā hogā
insān ke pahlū meñ dil ban na sakā hogā
maiñ aur tirā saudā tū aur ye istiġhnā
shāyad mujhe fitrat ne majbūr kiyā hogā
ik dā.era zarroñ kā ḳhurshīd-e-tarīqat thā
shāyad vo tumhārā hī naqsh-e-kaf-e-pā hogā
tum dard ke ḳhāliq ho maiñ dard kā banda huuñ
jab naam liyā hogā dil thaam liyā hogā
'sīmāb' jab is dil meñ tasvīr nahīñ un kī
ye aa.ina dhuñdlā hai ye aa.ina kyā hogā
jab tak gham-e-ulfat ka unsur na mila hoga
insan ke pahlu mein dil ban na saka hoga
main aur tera sauda tu aur ye istighna
shayad mujhe fitrat ne majbur kiya hoga
ek daera zarron ka KHurshid-e-tariqat tha
shayad wo tumhaara hi naqsh-e-kaf-e-pa hoga
tum dard ke KHaliq ho main dard ka banda hun
jab nam liya hoga dil tham liya hoga
'simab' jab is dil mein taswir nahin un ki
ye aaina dhundla hai ye aaina kya hoga
- Book : Intekhab-e-Sukhan(Jild-2) (Pg. 242)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
