jab talak dil imam tha hi nahin

jab talak dil imaam thā hī nahīñ

koī aalī maqām thā hī nahīñ

mustaqil ek be-sabātī hai

kuchh yahāñ par mudām thā hī nahīñ

aao us kā ḳhitāb sunte haiñ

vo jo mahv-e-kalām thā hī nahīñ

chalte chalte maiñ aa gayā huuñ yahāñ

varna tujh se to kaam thā hī nahīñ

pī rahā thā maiñ us kī āñkhoñ se

mai-kade meñ to jaam thā hī nahīñ

apnī apnī namāz thī sab kī

masjidoñ meñ imaam thā hī nahīñ

vo bhī dil ke pate pe aayā hai

ḳhat hamāre jo naam thā hī nahīñ

maiñ musāfir thā apnī rāhoñ kā

rāstoñ kā ġhulām thā hī nahīñ

roz jaltā thā tāq-e-jāñ meñ 'sahar'

aur phir ek shaam thā hī nahīñ

jab talak dil imam tha hi nahin

koi aali maqam tha hi nahin

mustaqil ek be-sabaati hai

kuchh yahan par mudam tha hi nahin

aao us ka KHitab sunte hain

wo jo mahw-e-kalam tha hi nahin

chalte chalte main aa gaya hun yahan

warna tujh se to kaam tha hi nahin

pi raha tha main us ki aankhon se

mai-kade mein to jam tha hi nahin

apni apni namaz thi sab ki

masjidon mein imam tha hi nahin

wo bhi dil ke pate pe aaya hai

KHat hamare jo nam tha hi nahin

main musafir tha apni rahon ka

raston ka ghulam tha hi nahin

roz jalta tha taq-e-jaan mein 'sahar'

aur phir ek sham tha hi nahin