jab tumhaara zalimon se koi bhi rishta nahin

jab tumhārā zālimoñ se koī bhī rishta nahīñ

kis liye tum ne shahā phir zulm ko rokā nahīñ

vaqt ke badle hue ruḳh ne panāheñ chhīn liiñ

ham pas-e-dīvār baiThe haiñ magar saaya nahīñ

āsmāñ kuchh to batā yā imtihāñ hai yā sazā

silsila zulm-o-sitam kā kis liye ruktā nahīñ

sab ne kāñToñ hī pe chal kar paa.ī hai manzil yahāñ

kāmyābī ke safar meñ to koī tanhā nahīñ

tājirāna zehniyat le kar milā karte haiñ log

ab kisī kā bhī kisī se be-ġharaz rishta nahīñ

phir zamāne ke thapeḌo aao Takrāte haiñ ham

maiñ abhī TuuTā nahīñ huuñ maiñ abhī bikhrā nahīñ

us se bachhḌā to akelā ho gayā 'at.har-shakīl'

ab kisī ke saath us kā pyaar kā rishta nahīñ

jab tumhaara zalimon se koi bhi rishta nahin

kis liye tum ne shaha phir zulm ko roka nahin

waqt ke badle hue ruKH ne panahen chhin lin

hum pas-e-diwar baiThe hain magar saya nahin

aasman kuchh to bata ya imtihan hai ya saza

silsila zulm-o-sitam ka kis liye rukta nahin

sab ne kanTon hi pe chal kar pai hai manzil yahan

kaamyabi ke safar mein to koi tanha nahin

tajirana zehniyat le kar mila karte hain log

ab kisi ka bhi kisi se be-gharaz rishta nahin

phir zamane ke thapeDo aao Takraate hain hum

main abhi TuTa nahin hun main abhi bikhra nahin

us se bachhDa to akela ho gaya 'athar-shakil'

ab kisi ke sath us ka pyar ka rishta nahin