jab uski zulf ke halqe mein hum asir hue

jab us kī zulf ke halqe meñ ham asiir hue

shikan ke aadī hue ḳham ke ḳhū-pazīr hue

ḳhadañg-vār jo ġhamze the us ke chhuTpan meñ

par ab nazar meñ jo aa.e to rashk-e-tīr hue

jhiḌak diyā hameñ kūche meñ us ne har-dam dekh

ham apne dil meñ kuchh us dam ḳhajil kasīr hue

jo gaah gaah adhar jaate ham to rahtī qadr

ghaḌī ghaḌī jo ga.e is sabab haqīr hue

nigah ke laḌte hī hañs kar kahā 'nazīr' us ne

ye bāteñ chhoḌ do kuchh samjho ab to piir hue

jab us ki zulf ke halqe mein hum asir hue

shikan ke aadi hue KHam ke KHu-pazir hue

KHadang-war jo ghamze the us ke chhuTpan mein

par ab nazar mein jo aae to rashk-e-tir hue

jhiDak diya hamein kuche mein us ne har-dam dekh

hum apne dil mein kuchh us dam KHajil kasir hue

jo gah gah adhar jate hum to rahti qadr

ghaDi ghaDi jo gae is sabab haqir hue

nigah ke laDte hi hans kar kaha 'nazir' us ne

ye baaten chhoD do kuchh samjho ab to pir hue